Toonda hai baadal abhi

Garaj raha hai, bhaag raha hai

Kaala hai, par poora nahi

Iss chhor se uss chhor

Bas bhaag raha hai

Ek aur aasmaan ki taraf

Suraj ke peeche chalte hue

Dhakte hue, chhupate hue


Ek ambar par dheeme hue

Barsa yeh toonda baadal

Musladhaar, khula yeh baadal

Kitne dino ke baad, shudh hua yeh baadal


Phir namm hua yeh baadal

Thoda thoda sisakta hua chala baadal

Suraj ki aag ko samaete hue

Khusk hota hua chala baadal


Kirno ka rukh badalta hua

Bikhere saat rang dharti par

Duaye leta chala baadal

Suraj ke saath khele aankhmicholi

Badta chala baadal

Astitva khokar phir bhi

Badta chala baadal